EDENE  - Murat Aktekîn, li taxa Anadolu ya bi ser navçeya Yuregîra Edeneyê rûdinê. Aktekîn (38), bi bisîtlêta xwe ya du teker, xurde berhev dike û debara malbata xwe ya ji 7 kesan pêk tê dike. Aktekîn ê rojê 15 YTL qezenc dike, li dayîk û bavê xwe jî dinêre.

Aktekîn, 4 zarokên xwe dide xwendin. 3 ji wan diçin lîseyê. Aktekîn diyar kir ku piştî saet 18.00'an ji mala xwe derdikeve, ji bo berhevkirina xurde bisîklêt bi kar tîne û ji ber vê sedemê jî rojê herî kêm 75 kîlometre bisîklêt dajo. Aktekîn, da zanîn ku berê solfiroşî kiriye, lê ji ber ku qezenca wî çênebûye, dikana xwe girtiye û ev 15 sal in debara xwe bi xurde dike. Aktekîn, got ku qezenca wî hindik e lê dîsa jî hewceyî kesî nîn e û wiha pê de çû: "Carna 3 car serî li otêlek an jî taxekê dixim. Hindik qezenc dikim, lê dîsa jî kêfxweş im. Gelek car, ji ber ku piyê min her tim li ser pedalê ne û rê diçim, piyê xwe hîs nakim."

'Hewceyî kesekî nîn im'

Aktekîn got ku rojê 15 YTL qezenc dike, lê ji ber ku bi pîr û pergal xerc dike, debara wî dibe. Aktekîn, diyar kir ku nanê dibe malê jî, ji ber hewrikên nan ku ji loqimteyan kom dike. Aktekîn, ragihand ku bi qezenca xwe 4 zarok dide xwendin û wiha dom kir: "Dema ez dest bi rojê dikim, her tim malbata xwe difikirim. Bi taybetî jî zarokên xwe. Dema bi dehan zarokên ku li kuçeyan bûne tiryakkêş, yên ku ji bêxwedîtiyê ketine nav çeteyan û rastî zordariya ji bo diziyê tên dibînim, xwe zêdetir didim ser karê xwe. Bi pereyê ku roj bi roj qezenc dikim, zarokên xwe didim xwendin, fatoreyên av û ceyranê yên dayîk û bavê xwe didim. Deynê dikandarên li derdorê jî li min tune. Bi saetan piyê min li ser pedalê ye, lê dîsa jî kincên nû li xwe nakim. Lê dibêjim jiyan digel her tiştî xweş e."